Milaka pertsona atera dira kalera Parisen, Gisele Pelikoten alde

Milaka manifestarik euren babesa helarazi nahi izan diote larunbat honetan Gisele Pelicoti, senarrak hainbat urtez drogatu zuen emakumeari, dozenaka ezezagunek bortxatu zezaten. Justiziaren papera salatu dute eta Espainiako Estatua indarkeria matxistaren kontrako borrokaren adibide on gisa jarri dute, La Manada kasuaren ondoren izandako aldaketak gogora ekarriz.

Avignonen, Dominique Pelicot Giseleren senarraren eta bortxaketetan parte hartzeagatik akusatutako beste 51 gizonen aurkako epaiketa mediatikoa hasi zenetik 10 egunera, protestak antolatu dira Frantziar Estatu osoan, emakumeen aurkako bortxaketa kasuak ikertzeko eta zigortzeko garaian Justiziak darabilen laxotasuna eta Poliziaren eraginkortasun eza salatzeko.

"Prozesu hau (Gisele Pelicot) historikoa izan dadin lortuko dugu, egunero idazten baitit emakumeren batek ni Gisele Pelicot naiz" esanez, nabarmendu du Fondation Femmes elkarteko Anne-Cecile Mailfertek. "Zigorgabetasunaren eta bortxaketaren kulturaren aurka borrokatuko dugu, bortxaketaren salaketen % 90 baino gehiago ez direlako izapidera onartzen, gehienak ikertu ere ez direlako egiten", salatu du.

"Bortxatzailea ikusten zaitugu, biktima sinesten zaitugu", izan da protestan parte hartu dutenek gehien oihukatu duten esloganetako bat. Gizonak ere batu dira protestara eta haientzat ere mezua izan du Mailfertek: "Zuetako asko ikusten ditut hemen eta pozten naiz, oso paper garrantzitsua duzuelako, zuen parekoei esan behar diezue: ez bortxatu".

Ildo horretan, kultura patriarkalak sistema poliziala eta judiziala menpean dituela ere salatu dute. "Justizia errespetatu beharra daukagula esaten digute baina Justiziak ez ditu emakumeak errespetatzen. Soilik bortxaketan % 5 zigortzen dituzte" ohartarazi du aktibistak.

Baionan ere elkarretaratzea izan da eguerdian, 2lotsa aldez aldatuko dugu'' lemapean.

0:40