Mundua -
Israel-Hamas gerra
Israelgo Armadak lurreko beste eraso bat egin du gauez Gazako Zerrendan
"Dozenaka helburu terrorista" jo omen ditu, lurreko inbasioari ekiteko "prestatzen" jarraitzen duen bitartean.
agentziak | eitb media
Israelgo Armadak lurreko beste erasoaldi bat egin du Gazako Zerrendan gauez tankeak erabiliz, drone eta helikopteroen laguntzarekin, eta Hamasen "dozenaka helburu" jo omen dituzte.
Israelgo Defentsa Indarrek sare sozialetan zabaldu dutenez, "dozenaka helburu terroristari" egin diete eraso, "tankeen aurkako misilak jaurtitzeko lekuei eta operazioetarako kuartel nagusiei tarteko".
Miliziano palestinarrak ere hil dituzte, eta ez da soldadu israeldarrik hil, Armadaren arabera.
Israel lurreko erasoak egiten ari da inbasioa prestatzeko, eta aurreko gauean azken egunetako handiena egin zuen.
Urriaren 7tik, Israelek etengabe bonbardatu du Gazako Zerrenda, eta 7.000 palestinar baino gehiago hil ditu, 3.000 haur tartean. Gainera, Israelego Armadak eta kolonoek ehun palestinarretik gora hil dituzte Zisjordanian.
