Blinken: "AEB existitzen den bitartean Israelek ez du bakarrik defendatu beharko"

Antony Blinken AEBko Estatu idazkaria Tel Avivera joan da Israeli bere babesa adierazteko. Benjamin Netanyahu Israelgo lehen ministroarekin batera eskaini duen prentsaurrekoan azaldu duenez, "agian nahikoa indartsuak izango zarete zuen kabuz defendatzeko, baina AEB existitzen den bitartean ez duzue inoiz bakarrik egin beharko".

AEBko diplomaziaburuaren arabera, Hamasek ez ditu Palestinako herriaren interesak kontuan izan ekintza "lazgarri" horiek egiterakoan. "Ez dago inolako aitzakiarik ekintza ikaragarri horiek egiteko", nabarmendu du.

Israelek defendatzeko "eskubidea eta betebeharra" duela esandu Blinkenek. Ostegun honetan iritsi da Tel Avivera, eta Netanyahurekin ez ezik, Eli Cohen Israelgo Atzerri ministroarekin ere batzartu da.

Bestalde, Blinkenek baieztatu du 25 estatubatuar hil direla larunbataz geroztik izandako erasoetan.