Wagnerrek maiatzaren 10ean bere tropak Bakhmutetik erretiratuko dituela ohartarazi du, munizio faltagatik

Yevgeni Prigozhin Wagner mertzenario taldeko buruzagi eta sortzaileak datorren asteazkenean, 1 maiatzak 10, bere unitateak Donetsk ekialdean kokatuta dagoen Bakhmut hiritik erretiratzeko mehatxua egin du, munizio faltaren eta baja kopuru handiaren eraginez.

Hala adierazi du Prigozhinek gaur, ostirala, bere Telegram kontuan partekatutako bideo batean. Bertan, Estatu Nagusiko buru den Valeri Gerasimovi, Defentsa ministro Sergei Shoiguri, Vladimir Putini eta Errusiako herriari zuzendu zaie, munizio faltak mertzenarioak "alferrikako heriotzara kondenatzen" dituela argudiatuz.

Soldaduek bederatzi hilabete daramatzate Bakhmuteko frontean eta soilok behar duten munizioaren % 10a daukatela azaldu du. Wagner mertzenarioen buruzagiak aurretik ere salatu zuen egunean 100 soldadu inguru hiltzen direla eta kopuru hori bost aldiz txikiagoa litzatekeela gehitu du behar adina munizio edukiko balute.

"Wagnerren borrokalarien eta buruen izenean, 2023ko maiatzaren 10ean Bakhmut hirian dauden posizioak Defentsa Ministerioko unitateei eman beharko diegu, eta borrokalariak atzeguardian birkokatu beharko dute, zauriak miazkatzeko", jakinarazi du.

Burokrata kastrotarrek maiatzaren 1etik ia artilleria guztiak eskuratzea ukatzen dietela gehitu du. Hala eta guztiz ere, "zauriak miazkatu" ondoren, Aberria berriro defendatzeko prest agertu da. "Errusiar herriak gurekin konta dezake", amaitu du.