Mundua -
Erasoa
Gizon batek zortzi pertsona hil ditu tirokatuta Serbia erdigunean
Arma erdiautomatikoak erabiliz, 21 urteko erasotzaileak, militar baten semeak, herritarrak tirokatu ditu Dubonan, Belgradetik 50 bat kilometrora, eta zortzi pertsona hil eta bi pertsona larri zauritu ditu.
agentziak | eitb media
Gizonezko batek zortzi pertsona hil eta hamar zauritu ditu tirokatuta Dubonan (Serbia), Belgradetik 60 kilometrora, bertako hedabideek jakitera eman dutenez.
Talde berezietako 600 polizia ari dira 21 urteko erasotzailea bilatzeko lanetan, RTS telebista publikoaren arabera.
Bratislav Gasic Barne ministroaren hitzetan, erasoa "ekintza terrorista" izan da. Duela bi egun beste tiroketa bat izan zen Belgraden, eta 13 urteko ikasle batek bederatzi pertsona hil eta zazpi zauritu zituen.
Iturri ez ofizialetatik zabaldu dutenez, erasotzailea militar baten semea da, eta auto batetik jaitsi eta tiroka hasi da.
Erasoa Dubonan gertatu da, Mladenovacen dagoen herrixka batean. Poliziak eremu guztia hesitu du erasotzailea inguratzeko.
Zaurituak Smederevoko eta Belgradeko ospitaleetara eraman dituzte, eta bi, 21 eta 23 urtekoak, oso larri eraman dituzte.
