Mundua -
Ikerketa
Iranek hainbat pertsona atxilotu ditu Ukrainako hegazkina eraistea egotzita
Boing 737 hegazkinaren eraispenak 176 pertsona hil zituen urtarrilaren 8an. Ikerketa bere lehen fasean dago.
Agentziak | erredakzioa
Irango Botere Judizialeko bozeramaile batek astearte honetan jakinarazi duenez, "hainbat pertsona" atxilotu dituzte Ukraine International Airlines konpainiako Boeing 737 hegazkina eraistea egotzita, urtarrilaren 8an 176 pertsona hil ostean, IRNA Irango albiste agentziak jakitera eman duenez.
"Hainbat pertsona atxilotu dituzte gertakariarekin lotuta. Ikerketa bere lehen etapan dago", ziurtatu du Gholamhosein Ismaili Irango Botere Judizialeko bozeramaileak, Teheranen emandako prentsaurrekoan.
Urtarrilaren 8an Ukraine International Airlinesen Boeing 737 hegazkin batek istripua izan zuen Iman Jomeini nazioarteko aireportutik aireratu eta gutxira.
Hasiera batean, Errepublika Islamikoko agintariek ziurtatu zuten hegazkinak istripua izan zuela, baina urtarrilaren 11n aitortu zuten Irango Guardia Iraultzaileak jaurtitako misil batek eraitsi zuela.
