Gutxienez sei hildako Grezian, haize, euri eta txingor ekaitzaren ondorioz

Gutxienez sei pertsona hil eta dozenaka zauritu dira asteazken gauean Grezia iparralde astindu duen haizearen, euriaren eta txingor ekaitzaren ondorioz.

Grezia iparraldeko Halkidiki ingurune turistikoan, Potidea inguruan, 39 urteko gizon errusiar bat eta bi urteko haren semea hil dira, zuhaitz bat gainera erorita, Ta Nea egunkariak zabaldutako informazioaren arabera.

Gainera, bikote bat hil da urak aurretik eramanda. Horrez gain, emakume bat eta haren semea ere zendu dira Nea Plagiako jatetxe batean, sabaia gainera erorita.

Suhiltzaileen esanetan, gutxienez 20 lagun zauritu dira eta 30 pertsona atera behar izan dituzte inguruko ibilgailuetatik eta eraikinetatik.