Donald Trumpek 'Etxe Zuria bisitatzera' gonbidatu du Kim Jong-un

Donald Trump ABEtako presidentea Kim Jong-un Ipar Koreako burua bi Koreen arteko mugan elkartu dira igande honetan. Topaketa motza izan da baina sinbolismo historiko handia izan du eta aurrerapauso handia izan daiteke Ipar Korearen eta Hego Korearen arteko elkarrizketak indartzeko.

Lehen aldia da AEBetako zein Ipar Koreako presidenteak muga horretan elkartzen direla. Hala, Ipar Korean sartu den lehen presidente estatubatuarra bihurtu da Trump.

Han inguruan ziren guztiak harrituta utzi ditu Trump presidenteak Kim Jong-un Washingtonera gonbidatu behar duela iragartzean.

"Oraintxe bertan Etxe Zurira gonbidatu behar du" esan du Trumpek altuan, bien arteko bilera pribatua hasi baino minutu batzuk lehenago.