200 lagun inguru desagertu dira Brasilen presa bat hautsi ostean

200 lagun inguru desagertuta daude Brasileko Minas Gerais estatuko herri batean, meategi bateko presa hautsi eta gero, suhiltzaileek jakinarazi dutenez.

Ezbeharra Brumadinho udalerrian jazo da, Vale konpainiak kudeatzen duen meatze batean. Presa hautsi egin da eta lokatzezko erreka batek hainbat etxe suntsitu ditu.

Agintariek oraingoz ez dute argitu hildakorik izan den ala ez, baina suhiltzaileek zabaldu dutenez, lau pertsona ospitalera eraman behar izan dituzte. Lauak gonkor daude.

Babes Zibilak jakinarazi du balizko biktimen bila ari dela eta ingurua jendez husteko agindua eman duela.

Bestalde, meategia kudeatzen duen enpresak larrialdi plana ezarri du, "langileen eta zonalde horretan bizi diren herritarren biziak babesteko".