Mundua -
Sismoa Argentinan
3,8 graduko lurrikara izan da Buenos Airesen
Mugimendu sismikoa Buenos Aireseko 10:27an gertatu da, G20ko mandatariak goi-bileran zirela.
eitb.eus
3,8 graduko lurrikara bat izan da ostiral honetan Buenos Airesen (Argentina), bertako 10:27an, G20ko mandatariak goi-bileran ari zirenean.
Sarean argitaratutako hainbat informazioren arabera, 3 segundoko lurrikara izan da, Buenos Airesen eta Conurbanon.
Lurrikararen epizentroa Buenos Airesetik 33 kilometrora eta 25 kilometroko sakontasunera eman da.
Argitu gabe dago, oraingoz, kalte materialak edo zaurituak izan ote diren.