Gutxienez hiru pertsona zauritu dira Amsterdamgo tren geltokian izandako erasoan

Herbehereetako segurtasun indarrek tiroz zauritu dute, ustez, Amsterdamgo tren geltokian bi pertsona labanaz zauritu dituen gizonezkoa, Amsterdamgo Poliziak Twitter bidez jakinarazi duenez.

Guztira, larrialdi zerbitzuek hiru zauritu eraman dituzte ospitalera, tartean, ustezko erasotzailea.

Poliziak ikerketa abiatu du gertaturikoa argitzeko, eta hipotesi guztiak zabalik daude.

Bestalde, Polizia gertaeraren lekukoak bilatzen ari da gertaturikoa argitzeko. Halaber, irudiak dituztenei bidaltzeko deia egin die.

Gertaturikoa tarteko, tren zerbitzuaren zati bat eten dute.