Ekuadorreko auzitegi batek venezuelarrei pasaportea eskatzea ezeztatu du

Quitoko epaitegi batek bertan behera utzi du migratzaile venezolarrei pasaportea eskatzeko Gobernuaren erregulazioa, eta 45 eguneko epea eman dio Kanpo Harremanetarako Ministerioari giza-kontingentzia plana aurkezteko, migrazio arazoen aurrean.

Familiako Hirugarren Unitate Judizialak duela hilabete askotatik Ekuadorreko ateetan deitzen ari diren milaka migratzaileri sorpresa handia eman die, bereziki Venezuelatik pasaporterik gabe atera eta bidean zeudenei, baita terminaletan ere.

"Hau justiziaren eta giza eskubideen garaipen historikoa da", adierazi du Ernesto Pazmiño abokatuak, Herritarren Defentsaren izenean erabaki judiziala txalotuz.

Halere, oraingoz ez dago argi epaileak behin betiko baliogabetu duen erregulazioa aplikatzea (larunbatean sartu zen indarrean), ala Kanpo Harremanetako Ministerioak 45 egunetan aurkeztu behar duen kontingentzia-planarekin baldintzatu duen.

Pazmiñok adierazi du ez dagoela harremanik bi gauzen artean, eta epaileak "plan humanitario" bat eskatu duela, venezuelarrak modu masiboan iristea eragiten duen arazoari irtenbidea emateko, baina Gobernuak ez duela inolaz ere pasaporteen murrizketa berriro ere ezarriko.

Hala ere, Jose Valencia Kanpo Harremenetako ministroak kontrol-neurri berriak iragarri ditu berehala mugan, eta pasaportea eskatzeko debekua 45 egunetarako soilik dela kontsideratu du.