Mundua -
ATENTATUA
25 pertsona hil dira Kairon izandako atentatuan
Koptoen katedralaren inguruan izan da leherketa. Oraingoz, inork ez du bere gain hartu erasoa.
AGENTZIAK | ERREDAKZIOA
Gutxienez 25 pertsona hil dira eta beste horrenbeste zauritu, Kairon (Egipto) izandako leherketa batean. Koptoen katedralaren ondoan izan da atentatua. Oraindik xehetasunik eman ez duten arren, leherketa handi bat izan da. Oraingoz, inork ez du bere gain hartu erasoa.
Mohamed Mursiren kontrako Estatu kolpea izan zenetik, 2013an, milizia islamiarren erasoek ez dute etenik izan herrialde horretan.
Joan den ostiralean sei polizia hil ziren, Kairon, Giza barrutian, izandako atentatu batean. Hasam Mugimendu islamiarrak hartu zuen bere gain erasoa.