Renzi: 'Immigrazioaren arazoari erantzun politikoa eman behar diogu'

Immigrazioaren arazoari “erantzun politikoa” emateko “premia” adierazi dio Matteo Renzi Italiako lehen ministroak Europar Batasunari.

Bihar eta etzi Bruselan egingo duten goi-bileran, “erantzun tekniko” edota “emozio-erreakzioen” gainetik, erantzun politiko bat adostu beharko luketela azpimarratu du Mateo Renzik.

“Emozio-erreakzioak ez dira nahikoak, ezta erabaki edo konpromiso teknikoak ere; politikaren unea iritsi da”, defendatu du. “Erantzun faltaren eraginez, ihes egiten ari den belaunaldi oso bat itota dago”, salatu du.

Egoera horri Italiak bakarrik ezin izango diola aurre egin nabarmendu du Matteo Renzik bere hitzaldian. Hortaz, Europar Batasunari “estrategia politikoa” diseinatzeko eskatu dio, eta estrategia horrek jarraitu beharko lituzkeen lau puntu proposatu ditu: “lehengo eta behin, Europar operazioak indartu behar dira. Ondoren, trafikanteen aurka irmo borrokatu behar dugu, XXI. mendeko esklabistak baitira”.

Bestalde euren herrialdeetatik ihes egin ez dezaten, emakumezko eta gizonezko horien erabakia ahultzearen alde agertu da. Azkenik, eztabaida egitea “premiazkoa” dela esan du Italiako agintariak