Mundua -
Gatazka diplomatikoa
Fiskaltzak izapideak abiatu ditu AEBren ustezko espioitza argitzeko
Zigor ardurarik ote dagoen eta ikerketa abiatzekotan eskumena Espainiako Estatuarena izango ote zen argitzea da tramite horren helburua.
Erredakzioa
Fiskaltzak izapide informatiboak ireki ditu AEBko inteligentzia zerbitzuek ustez Espainiako Estatuan egin duten espioitzaren inguruan, Espainiako Fiskaltzako iturriek jakitera eman duetenez.
Zigor ardurarik ote dagoen eta ikerketa abiatzekotan eskumena Espainiako Estatuarena izango ote zen argitzea da tramite horren helburua.
Eduardo Torres-Dulce Estatuko fiskal nagusiaren baimenarekin abiatu dira izapide horiek, eta Kriminalitate Informatikoaren Fiskaltzaren esku geratu da.
Jose Manuel Garcia-Margallo Atzerri Gaietarako ministroak atzo ohartarazi zuenez, AEBren espioitza kasuak baieztatuz gero, Espainiako Gobernuaren eta AEBren arteko "konfiantza hautsiko da".
James Costos AEBk Espainian duten enbaxadoreak Iñigo Mendez de Vigo Europar Batasunerako Estatu idazkari espainiarrari azalpenak eman zizkion egun berean egin zituen adierazpen horiek Margallo ministroak.
Bilera horretan, Costosek ustezko espioitza kasuei buruzko "zalantza" guztiak argituko zituela hitz eman zuen, AEBko inteligentzia zerbitzuek "informazioa" bildu ostean.
