Mundua -
Egipto
Mursi, indarkeria-ekintzak egiteagatik inputatuta
Mursiri eta Anaia Musulmanen beste 14 buruzagiri abenduaren 5eko indarkeria ekintzak bultzatzea leporatu diete. Sei pertsona hil ziren eta ehunka zauritu istiluetan.
Erredakzioa
Hisham Barakat Egiptoko fiskal nagusiak Mohamed Mursi Egiptoko presidente ohiaren eta Anaia Musulmanen beste 14 buruzagiren kasua Kairoko Zigor Auzitegira eramatea agindu du igande honetan.
Mena albiste agentziaren arabera, Mursiri eta Anaia Musulmanen beste 14 buruzagiri abenduaren 5eko indarkeria ekintzak bultzatzea leporatu diete. Sei pertsona hil ziren eta ehunka zauritu egungo presidentearen jarraitzaileen eta aurkarien arteko istiluetan, Presidentetza jauregiaren aurrean.
Mursi Anaia Musulmanen kargu altua 2012an sartu zen Presidentetzan, eta uztailaren 3an kendu zuen Armadak hainbat protestaren ostean. Ordutik, ez da jakin non duten militarrek.
Menaren arabera, abenduaren 5ean Mursik Errepublikako Guardiako buruari manifestari baketsuen aurka egiteko agindu ziotela ezagutarazi dute ikerketek.
