EBk Egiptorako armamentuaren esportazioa etetea erabaki du

Europar Batasunak Egiptorako armamentuaren esportazioa etetea erabaki du asteazken honetan. Duela aste batzuek, herrialde batzuek dagoeneko hartu zuten erabaki hori, besteak beste, Espainiak.

“Kide diren Estatuek barneko errepresiorako erabili ahal den edozein ekipamendu militar Egiptorako esportaziorako baimenak etetea erabaki dute”, esan du Catherine Ashton Europako diplomazia buruak, Kairoko indarkeriagatik deitutako kontseiluaren ostean.

Halaber, EB "Egiptorako laguntza berrikustea" erabaki du, herrialdeko talderik ahulenei eta gizarte zibilari laguntzen jarraitu behar zaielako", nabarmendu du Ashtonek.

Diplomazia buruak Europako deia errepikatu du "alde guztiei" zuzenduta, "indarkeria gelditzeko, probokazioak amaitzeko eta gorrotoz betetako dirkurtsoekin amaitzeko".