Mundua -
Txostena
Sirian arma kimikoak erabili dituztela baieztatu du NBEk
Arma kimikoak erabili dituztela pentsatzeko "oinarri sendoak" daudela jaso dute gaztakaren ikertzaileek, baina horiek nork erabili dituen ezin izan dute egiaztatu.
Erredakzioa
Sirian arma kimikoak erabili dituztela baieztatu du Nazio Batuen Erakundeak. Herrialde horretako gatazka ikertzen duen batzordeko kideek ezin izan dute frogatu nork erabili dituen, baina oposizioak erabili izana zalantzan jarri dute.
"Gai kimikoak arma gisa erabili dituztela pentsatzeko oinarri sendoak daude", Paulo Pinheiro NBEren ikerketa batzordeko presidenteak adierazi duenez. "Ezin izan dugu zehaztu zein gai kimiko erabili dituzten, nola zabaldu diren, ezta zeinek erabili dituen ere", erantsi du Genevan emandako prentsaurreko batean Pinheirok, baina jasotako salaketa gehienak Al Assaden erregimenaren kontrakoak direla azpimarratu du.
Batzordeak martxoa eta apirila bitartean arma kimikoekin egindako lau eraso aztertu dituela, gaineratu du.
Siriako egoera gero eta latzagoa dela ohartarazi du Nazioa Batuen Erakundeak eta basakeria maila larria salatu du.
