Zaparradak nagusi izango dira larunbat honetan

Eguraldiak okerrera egingo du asteburu honetan. Zaparradak eta giro freskoa nagusi izango dira.

Larunbat goizean zerua estalita egongo da eta zaparradak nagusi izan dira, noizbehinka mardulak. Arratsaldearen hasieran ostarte batzuk zabalduko dira eta atertzera egin dezake. Orduak aurrera egin ahala, hodeiak ugaritu egingo dira baina egunaren bigarren partean zaparradak noizbehinkakoak eta txikiagoak izango dira. Ekaitzak jo lezake, txingorrarekin batera. Tenperatura maximoak asko jaitsiko dira eta giroak udazkeneko itxura hartuko du berriro ere. Elur-kota 1.200 eta 1.400 metro artean kokatuko da. Mendebaldeko edo hego-mendebaldeko haizea ibiliko da, kostaldean norabide aldakorrekoa.

Igandean giroa goibela izango da eta noizbehinka zaparrada trumoitsuak egingo ditu, txikiak orokorrean. Elur-kota ez da apenas aldatuko eta 1200 eta 1500 metro artean kokatuko da berriro. Mendebaldeko edo hego-mendebaldeko haizea ibiliko da, bolada oso gogor batzuekin. Arratsaldean baliteke haizeak ipar-mendebaldetik jotzea tarteka. Tenperaturan aldaketa handirik ez; maximoak gradu pare bat baxuagoak izan daitezke.

Astelehenean aldaketa nabarmenik gabe jarraituko dugu. Zeruan hodei ugari izango dugu, bereziki ipar isurialdean eta euria egiten jarraituko du. Hegoaldean euria noizbehinka eta han-hemenka egingo du, gutxiago orokorrean, eta hodeitza ere saretuago egongo da. Goizean hego-mendebaldeko haize ahula ibiliko da eta arratsaldean ipar-mendebaldera egingo du, tarte biziekin. Tenperatura maximoak gradu pare bat igoko dira.