Gizartea -

Araba

Motozale bat hil da Guardian izandako istripu batean

Ezbeharra 18:15ean gertatu da, A-124 errepidean, Logroñorako noranzkoan. Larrialdi zerbitzuak motor-gidaria suspertzen saiatu dira, baina ezin izan dute ezer egin.

EITB Media

Whatsapp Facebook Twitter Telegram Email

Gizonezko bat hil da gaur arratsaldean A-124 errepidean, Guardian (Araba), Logroñorako noranzkoan, izandako istripu batean, Eusko Jaurlaritzako Segurtasun Sailak ohar baten bidez jakinarazi duenez. 56 urteko hildakoa Guardiakoa zen.

18:15 aldera, A-124 errepidetik zihoan motor batek istripua izan du Guardian, Logroñorako noranzkoan.

Bertaratutako larrialdi zerbitzuak eta osasun-langileak motozalea suspertzen saiatu dira, bizkortzeko maniobren bidez, baina ezin izan dute ezer egin.

Ertzaintzak ikerketa abiatu du, istripuaren nondik norakoak argitzeko.

 

Hau zure interesekoa bada, baliteke beste gai hauek ere izatea
Trafiko Istripuak Trafikoa Ertzaintza Araba Euskal Autonomia Erkidegoa Gizartea Eguneko albisteak Guardia Albisteak