Gizartea -
Istripua
63 urteko txirrindulari bat hil da Etxaurin, ibilgailu batek harrapatuta
Gizona bizikletan zihoala harrapatu du ibilgailu batek, NA-7110 errepidean, Etxauri parean.
Agentziak | EITB Media
63 urteko gizon bat hil da gaur arratsaldean NA-7110 errepidean, Etxauri parean, bizikletan zihoala ibilgailu batek harrapatuta.
SOS Nafarroa 112 zerbitzuak 19:46an jaso du deia, eta anbulantzia medikalizatu bat, Orkoiengo mediku talde bat eta Foruzaingoaren patruilak bertaratu dira.
Larrialdi-zerbitzuak gizona suspertzen saiatu dira, baina bihotz-biriketako bizkortzeak ez du emaitzarik eman eta bertan hil da.
Nafarroako Auzitegi Medikuntzako Institutuan egingo zaio autopsia hildakoari. Foruzaingoaren Argiketa taldeak ikerketa abiatu du istripuaren nondik norakoak argitzeko.
Hau zure interesekoa bada, baliteke beste gai hauek ere izatea