Gizartea -
XANTAIA
Adingabe bat atxilotu dute Elgoibarren, pertsona baten irudi intimoak zabaltzearekin mehatxatzeagatik
Xantaia jasan zuen pertsonak Ertzaintzaren aurrean salatu zuen gaztearekin harremanetan jarri zela kontaktu-plataforma baten bidez, eta, argazki intimoak elkarrekin trukatu omen zituzten. Horren ondoren, xantaia hasi zen. 2.000 euro eskatzen zizkion bere irudiak ez zabaltzearen truke.
Agentziak | EITB MEDIA
17 urteko adingabe bat atxilotu dute Elgoibarren irudi intimoak bidali zizkion pertsona bati estortsioa egiten saiatzeagatik: trukean 2.000 euro eskatzen zizkion.
Eusko Jaurlaritzako Segurtasun Sailak jakinarazi duenez, xantaia jasan zuen pertsonak Ertzaintzaren aurrean salatu zuen gaztearekin harremanetan jarri zela kontaktu-plataforma baten bidez, eta, argazki intimoak elkarrekin trukatu omen zituzten. Horren ondoren, xantaia hasi zen.
Salaketa jarri ostean, Ertzaintzak zaintza-dispositibo bat ezarri zuen, eta, horri esker, ustezko xantaiagilea atxilotu zuten biktimaren dirua adostutako jasotzera zihoanean.
Ertzain-etxeko eginbideak amaitutakoan, Adingabeen Fiskaltzaren esku utziko dute.
Zabaldu duen oharrean, Segurtasun Sailak gomendatu du horrelako kasuetan, ordaindu aurretik salaketa jartzea, lehen ordainketa egin ondoren xantaiak bere horretan jarraituko baitu gehienetan. Gainera, gomendatzen du sare sozialen bidez irudi intimorik ez bidaltzea, ezta lagunei eta ezagunei ere.