Gizartea -
Sua
Galdamesko baso-sutea, itzalita
Batez ere sastrakak erre dira. Suhiltzaileek hiru ordu baino gehiago behar izan zituzten itzaltzeko.
EITB Media
Sua 20:00ak aldera piztu zen Galdamesen, bi foku nagusirekin: bata Ganeran mendiaren hegalean eta bestea Peñas Negrasko ekoetxearen atzean, La Lejana auzoan. Suhiltzaileek hiru ordu baino gehiago behar izan zituzten sua itzaltzeko. Batez ere sastrakak erre dira.
Bizkaiko Foru Aldundiko iturriek jakitera eman dutenez, Urioste eta Artatza parkeetako 35 suhiltzaile aritu dira bertan sua itzaltzeko lanean, eta zisterna-kamioi bat eta baso-ibilgailu bat dituzte horretarako.
Sua 20:00ak aldera piztu da, Ganeran mendian, eraikinetatik urrun dagoen eremu batean.
Ganeran mendia oso ezaguna da suhiltzaileentzat; izan ere, mendi horretan sua itzaltzeko helikoptero batekin egiten dituzte praktikak, aipatu iturrien arabera. Oraingoz ez dute zehaztu suak zenbat hektarea erre dituen.