Ortuellako baso-sutea inguratzea lortu dute suhiltzaileek

Baso-sute bat piztu da arratsaldean Ortuellan (Bizkaia), Bizkaiko suhiltzaileek eta Saulo Nebreda udalerriko alkateak baieztatu dutenez.

Suak bi foku ditu, horietako bat Ganeran mendiaren azpian, eta bestea Peñas Negraseko Ekoetxearen atzealdean, Lejana auzoan. Bi fokuak Ortuellako erdigunetik urrun daude.

Suhiltzaileek baso-sute bat inguratzea lortu dute dagoeneko. Sua batez ere basobera kiskaltzen ari da.

Bizkaiko Foru Aldundiko iturriek jakitera eman dutenez, Urioste eta Artatza parkeetako 35 suhiltzaile parte hartzen ari dira sutea itzaltzeko lanetan, eta horretarako zisterna-kamioi bat eta baso-ibilgailu bat dituzte.

Sua arratsaldeko 20:00ak aldera piztu da, Ganeran mendian, eraikinetatik urrun dagoen eremu batean, eta sua itzaltzeko zerbitzuen arduradunek ezarritako perimetrotik kanpo ez zabaltzea espero dute.

Ganeran mendia oso ezaguna da suhiltzaileentzat; izan ere, mendi horretan sua itzaltzeko helikoptero batekin egiten dituzte praktikak, aipatu iturrien arabera. Oraingoz ez dute zehaztu suak zenbat hektarea kaltetu dituen.