Gizartea -
Erabaki judiziala
Hileta-elizkizunetan musika erabiltzeagatik ordaindu beharko da Ipar Euskal Herrian
Frantziako Justiziak arrazoia eman dio egile eskubideak kudeatzen dituen Estatuko erakundeari. Ondorioz, 1 eta 5 euro artean ordaindu beharko dira, abesti kopuruaren arabera.
EITB Media
Hileta-elizkizunetan musika erabiltzeagatik ordaindu beharko da Ipar Euskal Herrian: 1 eta 5 euro artean, jartzen den abesti kopuruaren arabera. Erabakiak harridura sortu du, eta batzuek diote duintasunaren aurkakoa dela.
Frantziako Justiziak arrazoia eman dio egile eskubideak kudeatzen dituen Estatuko erakundeari. Erakunde horrek orain akordioa itxi berri du hil-etxeekin eta ehorzketak antolatzen dituztenekin.
Enpresa horiek argudiatu zuten zeremonia pribatuak antolatzen zituztela, baina Justiziak dio hileta-elizkizunak biltzar publikoak direnez legedia errespetatu behar dela, eta egile eskubideak ordaindu. Baliteke urtean artistei 800.000 euro biltzea eta banatzea.