2.352 adin txikikok dute Hego Euskal Herrian harrera-familia baten beharra

Hego Euskal Herrian babesgabe dauden haur eta nerabeak gero eta gehiago dira. Azken datuen arabera, 2.352 adin txikiko daude egoera horretan. Gurasoak dituzte, baina etxean dituzten arazoak direla eta, Aldundien zaintzapean daude.

Erdiak baino gehiago, 1.338, tutoretzapeko pisuetan edo egoitzetan daude; gainerakoak, 1.014, harrera-familietan.

Harrera-familiak dira adingabeentzat aukerarik onuragarriena. Egun, Araban, Bizkaian, Gipuzkoan eta Nafarroan 234 familia behar dira haur eta nerabeak hartzeko.

Araban, gaur egun 250 ume eta nerabe daude egoera horretan: egoitzetan, 145 adingabe daude, eta familietan, 105.

Bizkaian, beharra duten adingabeak 774 dira: 506 adingabe daude egoitza edo pisuetan, eta 268, berriz, familietan.

Gipuzkoan, 870 dira tutorepetza behar duten adingabeak: 483 adingabe egoitzetan daude, eta 387, familietan.

Azkenik, Nafarroan, 458 dira egoera horretan dauden ume eta nerabeak: 204 daude egoitzetan, eta 254, familietan.