Pertsona bat hil da Topoaren Herrerako geltokian, tren batek harrapatuta

Tren batek pertsona bat harrapatu du Topoaren Herrerako geltokian eta, ondorioz, hil egin da.

Herrera eta Altza arteko trenetan eragina izan du gertaerak, baina betiko moduan dabiltza dagoeneko. Donostia-Hendaia konexioa mantendu dute, 15 minutuko frekuentziarekin.

Segurtasun Sailak adierazi du gertaera ikertzen ari direla, baina zantzu guztien arabera, "istripua" izan da.

Eusko Trenbide Sareak (ETS) adierazi duenez, Euskotreneko unitate bat geldik zegoen, hildakoa eta berarekin zegoen pertsona kontrako nasan zeuden.

Unitatea Hendaiara bidean martxan jarri aurretik, bidera salto egin dute, eta momentu horretan aurretik eraman du pertsonetako bat. Harrapatutako pertsona bertan hil da, eta bestea onik atera da.