Gizonezko bat hil da AP-68an, Erriberagoitian, auto-istripuz

24 urteko gizonezko bat hil da bart AP-68 errepidean, Erriberagoitian (Araba), auto-istripuz. Trafikoa guztiz eten dute bi noranzkoetan une batez, Bilbora eta Zaragozara bidean, baina handik gutxira itzuli da bere onera, Eusko Jaurlaritzaren Segurtasun Sailak jakitera eman duenez.

Ertzaintzak ikerketa abiatu du istripuaren nondik norakoak argitzeko. 21:50ean, turismo bat bidetik irten da eta autobidearen erdibitzailean geratu da.

Larrialdi zerbitzuak, Ertzaintza, suhiltzaileak eta anbulantzia bertaratu dira, eta medikuak ibilgailuan zihoan pertsona bakarraren heriotza baieztatu besterik ezin izan du egin.