Gizartea -
Indarkeria matxista
Gizon bat atxilotu dute Getarian emakume bati sexu-erasoa egitea egotzita
Emakumea astero joaten zen ustezko erasotzaileak Zarautzen duen terapia naturaleko kontsulta batera, eta, beraz, Ertzaintza ikertzen ari da ea kasuarekin lotutako biktima gehiago egon daitezkeen.
EITB MEDIA
Ertzaintzak gizon bat atxilotu zuen joan den ostiralean Getariako (Gipuzkoa) etxebizitza batean emakume bati sexu-erasoa egitea egotzita. Segurtasun Sailak jakinarazi duenez, biktima astero joaten zen ustezko erasotzaileak Zarautzen duen terapia naturaleko kontsulta batera. Hori dela eta, kasuarekin lotutako biktima gehiago egon daitezkeen ikertzen ari da Ertzaintza.
51 urteko atxilotua ertzain-etxera eraman zuten, beharrezko polizia-eginbideak egiteko. Behin horiek amaituta, atxilotua epailearen esku utzi zuten atzo, eta aske geratu zen.