Sute batek ia erabat kiskali du baserri bat Bermeon

Bermeoko Artika auzoko baserri batean piztu den suteak ia erabat suntsitu du eraikina, eta "kalte handiak" eragin ditu egituran.

17:00ak aldera jaso dute sutearen abisua larrialdietarako zerbitzuek, eta berehala bertaratu dira suhiltzaileak sua itzaltzera. 20:45 aldera lortu dute sua itzaltzea. Gaua bertan emango dute, dena dela, suhiltzaileek zaintza lanetan, badaezpada ere.

Herrizango Sailetik EITBri jakitera eman diotenez, baserria ia kiskalita geratu da, baina ez da inor zauritu. Bertan bizi den emakume batek eman die abisua suhiltzaileei, bertatik atera eta gero.

Bermeokoa ez da izan gaur arratsaldean suhiltzaileek itzali behar izan duten sute bakarra; izan ere, Sondikan ere sutea izan da etxebizitza batean, baina ez horren larria.