Gorbeia inguruan galdu ziren bi mendizale holandar erreskatatu ditu Ertzaintzak

Ertzaintzako Zainza eta Erreskate Unitateko agenteek bi mendizale holandar erreskatatu dituzte gaur Gorbeia inguruan, Eusko Jaurlaritzaren Segurtasun Sailak jakitera eman duenez.

Atzo 17:30ean galdu ziren, Itxinako mendigunean (Orozko). Zonaldeko zailtasunak eta baldintza meteorologikoak (elurra) ikusita, lurreko erreskatea gaur goizaldera arte atzeratu da. Erreskatatutakoak egoera onean zeuden, baina hipotermia zantzuak zituzten.

25 eta 22 urteko bi mendizaleek 112 larrialdietarako telefonora deitu zuten, Gorbeiako parke naturalean galduta zeudela ohartarazteko. Ondo omen zeuden, eta janaria eta ura zituzten. Koordenatuak eman zizkieten larrialdi zerbitzuei, eta Itxinako mendigunean zeuden.

Gaur erreskatatu dituzte, 05:00ak aldera.