Noiz piztuko dituzte Gabonetako argiak euskal hiriburuetan?

Kaleetan gabon giroa sumatzen da dagoeneko. Donostian, Alderdi Ederreko noria erraldoia martxan da jada, eta dendetako eskaparate asko ere apainduta daude. Era berean, loteria saltokietan gero eta ilara luzeagoak ikusten dira, eta berokiak armairutik ateratzeko unea ere iritsi da.

Testuinguru horretan, Gabonetako argiak pizteko ere gutxi falta da. Gasteiz izango da Euskal Herriko lehen hiriburua azaroaren 22an, ondoren Bilbo hilaren 27an eta azkenak Donostia, Baiona eta Iruñea azaroaren 29an, San Saturnino egunean, hain zuzen ere.

Bizkaiko hiriburuan, milioi eta erdi LED argi ezarri dituzte, eta Areatzako izotz pista ere hasi dira muntatzen. Gainera, tamaina handiko bi argi instalazio jarriko dituzte, horietako bat Moyua plazan. Bilboko Udalak ez du oraingoz xehetasunik eman, baina, antza denez, argia eta soinua uztartuko dituzte.

0:44