Gizartea -
GERTAERA CASTELLONEN
2 urteko neskato bat hil da Castellon, aitak autoan 5 orduz ahaztuta utzita
Ikerketa abiatu dute gertatutakoa argitzeko, eta gizonezkoa ikertzen ari dira, zuhurtziagabekeriazko hilketa delitua leporatuta.
AGENTZIAK | EITB MEDIA
Bi urteko neskato bat hil da astearte honetan Castellon, aitak haurtzaindegira eraman, lanera joan eta auto barruan bost bat orduz utzita, Polizia Nazionaleko iturriek baieztatu dutenez. Gizonezkoa ikertzen ari dira, zuhurtziagabekeriazko hilketa delitua leporatuta.
Gertakaria astearte honetan jazo da, 15:00ak aldera; orduantxe eman du Polizia Nazionalak abisua. Agenteak ibilgailua zegoen tokira joan eta barruan adingabea ikusi dute, hilda, osasun zerbitzuek baieztatu zutenez.
Hortik aurrera, protokoloa aktibatu dute, Polizia Zientifikoari, auzitegiko medikuari eta guardiako epaitegiari abisua eman, eta ikerketari ekin diote.