Espainiako Gobernuak eta Generalitateak 2600 milioi euroko inbertsioa aurreikisu dute azpiegiturak konpontzeko

Espainiako Gobernuak eta Valentziako Generalitateak, behin-behineko lehen kalkulu batean, 2600 milioi eurotan kuantifikatu dute Valentzian uholdeek kaltetutako eremua lehengoratzeko behar den inbertsioa, eta plan orokor bat hitzartu dute mugikortasuna errazteko eta probintziako oinarrizko azpiegiturak berreskuratzeko.

Azpiegituren Berehalako Erantzuneko Taldearen lehen bileran, bi lantalde eratzea adostu dute, lanetan aurrera egiteko eta koordinazioa hobetzeko, baita garraio-plan bat ere, alternatiba bat emateko Valentzia inguruan sartzeko eta irteteko bide nagusiak berrezarri arte.

Administrazioak dagoeneko egiten ari diren lanak errepideei eta trenbideari dagozkio. Oscar Puente ministroak obrek izan duten erritmo ona azpimarratu du, eta Valentziako kontseilariak ere goraipatu egin du.