Gizartea -

Bilboko aireportua

Loiun lurreratzekoak ziren zazpi hegaldi beste aerodromo batzuetara bideratu dituzte, lainoagatik

Euskal Herriko txoko asko behe-lainoarekin esnatu dira astelehen goiz honetan, eta Loiuko aireportuan lurreratzeko asmoa zuten hainbat hegaldi beste aerodromo batzuetara bideratu dituzte.

Hegazkin bat Loiuko aireportuan, lur hartzen. Argazkia: EFEren artxiboko irudia
Hegazkin bat Loiuko aireportuan, lur hartzen. Argazkia: EFEren artxiboko irudia
Hegazkin bat Loiuko aireportuan, lur hartzen. Argazkia: EFEren artxiboko irudia

EITB MEDIA

Whatsapp Facebook Twitter Telegram Email

Goiza nahasia izan da Bilboko aireportuan behe-lainoak eraginda, eta, Loiuko aireportuan lurreratzeko asmoa zuten zazpi hegaldi beste aerodromo batzuetara bideratu behar izan dituzte, AENAko iturriek jakinarazi dutenez.

Goizeko 7:30etatik, ez da hegazkinik sartu ezta atera ere aerodromotik. Madrildik zetozen bi hegaldiek Santanderrera eta bueltan Madrilera joan behar izan dute.

Lyongoak, azkenik, Zaragozan lur hartu du; Bartzelonakoak Santanderren, Palmakoak beste horrenbeste, eta Hanburgokoa Gasteizera bideratu dute.

Goiz osoan behe-lainoa noiz desagertuko zain egon ondotik, 10:00ak aldera heldu da Bilbora lehen hegaldia, Malagatik. Atzerapenarekin heldu da.

Hau zure interesekoa bada, baliteke beste gai hauek ere izatea
Loiuko Aireportuko Azken Ordukoak Zer gertatu da Bizkaian? Euskal Autonomia Erkidegoa Gizartea Albisteak Gaur Albisteak