Gizartea -
Trafikoa
Bi pertsona zauritu dira Portugaleten, auto batek harrapatuta
Auto batek hainbat pertsona harrapatu ditu Portugaleteko Abaro etorbidean. Antza denez, ibilgailua abiadura bizian jaitsi da eta hainbat lagun aurretik eraman ditu.
EITB MEDIA
Gutxienez bi emakume zauritu dira auto batek harrapatuta, Portugaleten (Bizkaia), Abaro etorbidean. Istripuaren lekukoen arabera, abiadura bizian zebilen auto batek bi neska aurretik eraman ditu.
Iturri beraren arabera, ibilgailuak seinaleak eta bolardoak jo ditu, eta auto baten aurka talka egin du.
Ezbeharra 14:00ak aldera jazo da, eta Udaltzaingoa bertan da.