Gizartea -
Erasoa Gasteizen
65 urteko gizon bat atxilotu dute Gasteizen, pisukide bati matxete batekin eraso egiten ahalegintzea egotzita
Koroatze auzoko etxe batean gertatu zen eraso saiakera, larunbatetik iganderako gauean.
Agentziak | EITB Media
Asteburuan 65 urteko gizon bat atxilotu dute Gasteizen, pisukide bati matxete batekin eraso egiten ahalegintzea leporatuta.
Gasteizko Udaltzaingoak jakinarazi duenez, Koroatze auzoko etxe batean gertatu zen eraso saiakera, larunbatetik iganderako gauean. Liskarraren berri izan ondotik, udaltzainak gertaeraren tokira joan ziren.
Antza denez, elkarbizitza arrazoiengatik hasitako eztabaida baten erdian, atxilotuak matxete bat hartu eta pisukide bati eraso egiten saiatu zen. Hala ere, beste bi pisukideak tartean sartu ziren eta matxetea kendu zioten.
Udaltzaingoak ustezko erasotzailea atxilotu zuen, biktimak besoetako batean zituen lesioak ikusita.