Gizartea -

Indarkeria matxista

Gizon batek bikotekide ohia gasolinaz busti du eta su eman dio, Vigon

30 urte inguruko emakumeak erredurak ditu gorputzaren % 35ean, eta ospitalera eraman dute. Erasotzailea, 40 bat urtekoa, atxilotu egin dute, baina atxilotzera joan zaizkion Polizia Nazionaleko agenteei garagardo botila batekin eraso egiten saiatu da.

Emakumeak erredurak ditu gorputzaren % 35ean. Irudia: EFE
Emakumeak erredurak ditu gorputzaren % 35ean. Irudia: EFE
Emakumeak erredurak ditu gorputzaren % 35ean. Irudia: EFE

Agentziak | EITB

Whatsapp Facebook Twitter Telegram Email

40 urte inguruko gizon bat atxilotu dute larunbat goizean Vigon, 30 urte inguruko bikotekide ohia gasolinaz busti eta su ematea egotzita.

Biktimak erredurak ditu gorputzaren % 35ean, eta Vigoko Alvaro Cunqueiro ospitalera eraman dute, baina Coruñako Unibertsitate Ospitaleko Erreduren Unitatera eramango dute seguruenik.

Espainiako Gobernuak Pontevedran duen Ordezkariordetzako iturriek adierazi dutenez, erasoa Valladaresko errepidean gertatu da.

Ustezko erasotzailea atxilotu egin dute, baina atxilotzera joan zaizkion Polizia Nazionaleko agenteei garagardo botila batekin eraso egiten saiatu da.

Galiziako 112 Larrialdietarako Zerbitzuak 09:00ak aldera jaso du abisua, gizon batek koinatarentzat laguntza eske deitu baitu, erredurak zituelako.

Larrialdietarako Zerbitzuak Urxencias Sanitarias, Polizia Nazionala eta Vigoko Udaltzaingoa mobilizatu ditu. 

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Indarkeria matxista Gizartea Indarkeria matxistaren biktimak Eguneko albisteak Albisteak Galizia