Gurasoak sastatu dituen gizona autoarekin laugarren solairutik erori da aurretik Loiuko aireportuan

Gaur goizean Bilboko aireportuko aparkalekuko laugarren solairutik autoarekin erori den gizonak gurasoak sastatu ditu ondoren San Adrian auzoan.

Segurtasun Sailak jakitera eman duenez, istripua 11:30 aldera jazo da. Auto bat aireportuko aparkalekuan erori da, eta gidariak alde egin du.

AENAko iturrien arabera, autoa aparkaleku nagusiko laugarren solairuan zegoen, eta alboko babesa hautsi ostean, barruko patio batetik erori da, 0 solairuraino.

Ezbeharrak ez dio beste inori kalterik egin, eta autoa gidatzen zuen gizona bere kabuz atera da ibilgailutik, iraulita geratu den arren.

Gertakari horrek ez du arazorik eragin aparkalekuan, ezta bestelako gorabeherarik ere instalazio horietako erabiltzaileentzat, Loiuko Aireportuko arduradunen hitzetan.