Gizartea -
HARRAPAKETA
Gidari batek bi pertsona harrapatu ditu Asuako biribilgunean, Erandion
Ibilgailu batek gizon bat eta emakume bat harrapatu ditu Erandion, Asuako biribilgunean, 06:30ean. Zaurituak Gurutzetako ospitalera eraman dituzte.
EITB MEDIA
Bi pertsona zauritu dira Asuako biribilgunean (Erandio) auto batek harrapatuta izandako istripu batean.
Eusko Jaurlaritzako Segurtasun Sailak jakitera eman duenez, istripua 06:30ean gertatu da, BI-604 errepidean, Asuako biribilgunetik gertu. Auto batek gizon bat eta emakume bat harrapatu ditu bertan.
Istripuaren ondorioz, bi pertsona zauritu dira, eta Gurutzetako ospitalera eraman dituzte.