Fiskalak 45 urteko zigorra eskatu du Donostian ustez 3 adingaberi sexu erasoak egin zizkien masajistarentzat

Gipuzkoako Fiskaltzak 45 urteko espetxe zigorra eskatu du Donostian 13, 14 eta 15 urteko hiru neskari ustez sexu abusuak egin zizkien masajistaren aurka. Antza denez, gizonak biktimei masajeak egin ahal zizkiela adierazi zien, "tentsioa, antsietatea eta estresa" arintzeko.

Era berean, Ministerio Publikoak 50.000 eta 60.000 euro arteko kalte-ordainak ematea eta beste zenbait neurri eskatu ditu, hala nola masajista gaitasungabetzea eta biktimengandik urruntzeko agindua ezartzea.

Fiskaltzaren arabera, inputatua sare sozialen eta mezularitza aplikazioen bidez jarri zen harremanetan hiru biktimekin, semearen eta haren bikotekidearen alabaren kontaktuak erabiliz.

Bestalde, akusazio partikularrek ere 45 urteko espetxe zigorra eskatu dute.

Akusatua aske dago une honetan, epaiketa noiz egingo zain.