Gizartea -

Nazioarteko babesa

6.153 pertsonak asilo eskaera egin zuten iaz EAEn: inoizko daturik altuena

2022an aurkeztutako 10 babes eskarietatik ia 6 atzera bota ziren, Venezuelako herritarren kasuan, ordea, 3tik bakarra. Immigrazioaren Euskal Behatokiaren arabera, EAEko herritarren % 93,1 asilo eskatzaileak hartzearen alde daude.

Asiloa eskatu duten bi pertsona, artxiboko irudi batean. EITB Media
Asiloa eskatu duten bi pertsona, artxiboko irudi batean
Asiloa eskatu duten bi pertsona, artxiboko irudi batean. EITB Media

Agentziak | EITB Media

Whatsapp Facebook Twitter Telegram Email

Euskal Autonomia Erkidegoan inoiz baino asilo eskatzaile gehiago izan ziren 2023. urtean, Ikuspegi Immigrazioaren Euskal Behatokiak Espainiako Barne Ministerioaren datuak oinarri hartuta zabaldutako informazioaren arabera.

6.153 asilo eskatzaile izan ziren iaz EAEn, aurreko urtean baino 2.067 gehiago. 2022koa zen, hain zuzen ere, aurreko errekorra. Pandemia aurretik, 2019an, 4.827 asilo eskaera erregistratu ziren.

2022tik joera aldaketa izan da asilo eskatzaileen kopuruari dagokionez.

Azken datu osatuak (jatorria, ukapenak) 2022koak dira. Horren arabera, EAEn asilo eskaria egin zuten 10etik 9 (% 92) Latinoamerikakoak dira, eta herrialdeei dagokienez Kolonbia, Venezuela, Nikaragua, Honduras eta Peru nabarmentzen dira. Latinoamerikaren atzetik, oso urrun, Magreb (% 2,6) eta Asia (% 1,9) ageri dira.

Oro har, 2022an aurkeztutako 10 babes eskaritatik ia 6 (% 59,6) atzera bota ziren. Hala ere, Venezuelako herritarren kasuan, 3tik 1 onartu zen, arrazoi humanitarioak tarteko. 

Bestalde, Immigrazioaren Euskal Behatokiak nabarmendu duenez, EAEko herritarren % 93,1 asilo eskatzaileak hartzearen alde daude.

Hau zure interesekoa bada, baliteke beste gai hauek ere izatea
Euskal Autonomia Erkidegoa Gizartea Eguneko albisteak Albisteak Siriar errefuxiatuak Europan Venezuela Kolonbia Peru Nikaragua Errefuxiatuak Giza eskubideak Honduras