Gizartea -
TRAFIKO ISTRIPUA
20 urteko gazte bat larri zauritu da patinetean zihoala auto batek harrapatuta, Uharten
17:00ak baino lehentxeago izan da istripua, Ugarrandia etorbideko 11. zenbakiaren parean. Foruzaingoak ikerketa abiatu du gertatutakoa argitzeko.
AGENTZIAK | EITB MEDIA
20 urteko gizon bat larri zauritu da larunbat arratsalde honetan Uharteko Ugarrandia etorbidean izandako harrapaketa batean. Gaztea auto batek harrapatu du patinete batean zihoala, Ugarrandia etorbideko 11. zenbakiaren parean.
Traumatismo kraneoentzefalikoa jasan du eta Nafarroako Unibertsitate Ospitalera eraman dute bizi-euskarri aurreratuko anbulantzian. Larri ospitaleratu dute.
SOS Nafarroako larrialdiak kudeatzeko zentroak 16:51n izan du istripuaren berri eta berehala bertaratu dira anbulantzia, medikuak, Uharteko udaltzainak eta Foruzaingoko agenteak.
Azken hauek ikerketa ireki dute istripuaren nondik norakoak argitzeko.