Gizartea -
HONDARTZAK
Gizon bat ospitalera eraman dute Donostian, karabela portugaldar batek ziztatu ostean
Gizona lekuan bertan artatu dute lehenbizi baina zituen sintomak ikusita, Donostia Ospitalera eramatea erabaki dute, badaezpada.
AGENTZIAK| EITB MEDIA
Karabela portugaldarrak dabiltza Donostiako hondartzetan eta 55 urteko gizon bat anbulantzian Donostia Ospitalera eraman behar izan dute gaur, Ondarreta hondartzan karabela horietako batek zizta egin ondoren, Donostiako Udalak jakitera eman duenez.
Gizona lekuan bertan artatu dute lehenbizi, baina uzkurdurak zituela eta, Ospitalera eraman dute, badaezpada.
Gertakaria 15:00ak aldera izan da.
Udalak adierazi duenez, gertaera honen aurretik beste karabela portugaldar bat ikusi dute bainu-eremutik kanpo, Ondarretan baita ere.