Ostegun honetatik aurrera eta abuztu osoan zehar, TAO zerbitzua goizez bakarrik egongo da Bilbon

TAO Bilboko Trafiko eta Aparkalekuen Ordenantzak goizez baino ez du funtzionatuko hiri osoan, ostegun honetan hasi, hilak 1, eta hilaren 31ra arte, egun hori barne. Bizitegi eremuan ordutegia 9:00etatik 13:30era izango da, eta eremu intentsiboan, berriz, 14:00ak arte.

Ordenantza berria 2023ko abenduaren 11n sartu zen indarrean. Hala, eremu intentsiboak hiriaren erdigunea hartzen du, eta bizitegi eremuak, aldiz, erdigunea ez den guztia. 

TAOk uztailaren 1ean hasi zuen udako ordutegia, eta abuztuaren 31ra arte iraungo du. Horrela, uztaileko eta abuztuko larunbatetan zerbitzua ez da jardunean egongo, eta abuztuaren 15ean eta 25ean, jaiegunak direnez, ez da zerbitzurik egongo. Zerbitzuak irailaren 1ean ekingo dio berriro bere ohiko funtzionamenduari.