Gizartea -
SUTEA BIZKAIAN
Areatzako eraikin bateko bizilagunak etxetik atera dituzte, inguruko eraikin huts batean sutea izan ostean
Sua 5:55 aldera piztu da, oraindik argitzeke dauden arrazoiengatik, Areatzako eraikin huts batean.
AGENTZIAK | EITB MEDIA
Areatzako (Bizkaia) eraikin batean goizaldean piztutako sutearen ondorioz, inguruko bizilagunak etxetik atera behar izan dituzte. Ez da inor zauritu, baina suhiltzaileek lanean jarraitzen dute.
Segurtasun Sailak jakinarazi duenez, sua 05:55 aldera piztu da Areatzako eraikin huts batean, oraindik ez dakite zer eraginda.
Ertzainak eta Iurreta eta Basauriko suhiltzaileak bertaratu dira, eta, badaezpadako neurri gisa, etxetik atera dituzte inguruko etxebizitzetako bizilagunak.