Gizartea -

Indarkeria matxista

Gizon bat atxilotu dute Garesen sexu-erasoa egitea leporatuta

Aisialdirako lokal batean atxilotu dute, larunbat goizaldean. Foruzaingoa sexu-erasoa ikertzen ari da.

Elkarretaratzea Garesen. EITB Media.
Elkarretaratzea Garesen
Elkarretaratzea Garesen. EITB Media.

EITB Media

Whatsapp Facebook Twitter Telegram Email

Gizon bat atxilotu dute Garesen (Nafarroa) emakume bati sexu-erasoa egitea leporatuta.

Emakume batek Garesko aisialdirako lokal bateko komunetan sexu-erasoa jasan duela salatu du larunbat goizaldean. Lokaleko segurtasun-langileek Foruzaingoari deitu diote, eta agenteek ustezko erasotzailea atxilotu dute, dantzalekuan bertan.

Foruzaingoak azaldu duenez, jendea ustezko erasotzailea jipoitzen saiatu da. Ikerketa abiatu dute gertatutakoa argitzeko.

Ehun pertsonak elkarretaratzea egin dute Garesen, sexu-erasoa gaitzesteko.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan; beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Nafarroa Gizartea Eguneko albisteak Albisteak Foruzaingoa Sexu erasoak