Gizartea -
TRAFIKOA
Auto-ilarak amaitu dira A-8an Kantabriara bidean, Abanto parean istripua izan ondoren
Bi ibilgailuk talka egin dute Abanton, eta ez da inor zauritu, baina zirkulazio arazoak sortu dira hainbat orduz.
AGENTZIAK | EITB MEDIA
A-8 autobian trafikoaren egoerak normaltasuna berreskuratu du Bizkaiko zatian, Kantabriarako noranzkoan, Abanton bi ibilgailuk talka egin ostean, Segurtasun Sailak jakitera eman duenez.
Udako asteburuetan ohikoa denez, 14:00etan hasi dira auto-ilarak A-8an Kantabriarako noranzkoan, eta 10 kilometrorainokoak izan dira tarte batean.
17:00etan, berriz, bi ibilgailuk talka egin dute Abanton, eta autobiaren ezkerreko erreian geratu dira. Ondorioz, zirkulazio arazoak sortu dira.