Gizartea -
Sua Gipuzkoan
Emakume bat hil da Arrasateko etxebizitza batean izandako sutean
Ezbeharra 18:30ak aldera gertatu da, Biteri etorbidean dagoen eraikin bateko lehen solairuan. Ertzaintzak ikerketa bat abiarazi du sutea nola piztu den argitzeko.
Agentziak | EITB Media
76 urteko emakume bat hil da gaur Arrasateko (Gipuzkoa) etxebizitza batean izandako sutean, Eusko Jaurlaritzako Segurtasun Sailak jakitera eman duenez.
Ezbeharra 18:30ak aldera gertatu da, Biteri etorbideko lehen solairuan, suhiltzaileek zehaztu dutenez.
Abisua jaso ondoren, bertaratu diren larrialdi zerbitzuek gela batean aurkitu dute emakumea hilik, etxebizitzara sartzea lortu ondoren.
Ertzaintzak ikerketa bat abiarazi du sutea nola piztu den argitzeko.