Gizartea -

Trafikoa

Txirrindulari bat hil da Urizaharrean, eroriko larri baten ondorioz

Ezbeharra goizeko hamaikak aldera izan da, A-3202 errepidean. Larrialdi zerbitzuak bertaratu dira, eta, nahiz eta osasun langileak suspertzen ahalegindu, 64 urteko gizonezkoa bertan hil da.

EITB MEDIA

Whatsapp Facebook Twitter Telegram Email

Txirrindulari bat hil da Urizaharrean (Araba), eroriko larri baten ondorioz, Eusko Jaurlaritzako Segurtasun Sailak jakitera eman duenez.

Ezbeharra goizeko hamaikak aldera izan da, A-3202 errepidean. SOS Deiak 112 zerbitzuak dei bat jaso du ordu horretan Ribas de Tereso Errioxako mendatetik, Urizaharrera jaisteko bidean txirrindulari bat erorita zegoela ohartarazteko. Larrialdi zerbitzuak bertaratu dira, eta, nahiz eta osasun langileak suspertzen ahalegindu, 64 urteko gizonezkoa bertan hil da.

A-3202 errepidea luzaroan egon da itxita bi noranzkoetan. Larrialdi zerbitzuek euren lana amaitu ostean, baina, erabat ireki dute berriro.

Hau zure interesekoa bada, baliteke beste gai hauek ere izatea
Trafiko Istripuak errepideetan Trafikoa Araba Gizartea bideoak Trafikoko web-kamerak Donostian Eguneko albisteak Gasteiz Eguneko albisteak Errepideko istripuetan zauritutakoak Arabako Mendialdeko albisteak